O‘zbekiston Respublikasi Vazirlar Mahkamasining 2012 yil 26 sentyabrdagi “Oliy ta’lim muassasalari pedagog kadrlarini qayta tayyorlash va ularning malakasini oshirish tizimini yanada takomillashtirish chora-tadbirlari to‘g‘risida”gi 278-son qarori hamda ushbu qarorning ijrosini ta’minlash to‘g‘risidagi Oliy va o‘rta maxsus ta’lim vazirligining 2012 yil 29 sentyabrdagi 391-sonli buyrug‘i asosida Nizomiy nomidagi Toshkent davlat pedagogika universiteti huzuridagi oliy ta’lim tizimi pedagog kadrlarini qayta tayyorlash va ularning malakasini oshirish tarmoq markazi tashkil etilgan.

PEDAGOGIK QAYTA TAYYORLASH KURSINING TASHKIL ETILISHI: Pedagogik qayta tayyorlash kursi 2009 yilda Nizomiy nomidagi TDPU “Umumiy pedagogika” kafedrasi qoshida tashkil etilgan. Shu yillar davomida kursga professor M. Toxtaxodjayeva rahbarlik qilgan, 2012 yildan “Pedagogik qayta tayyorlash” (576 soat) kursi “Pedagogik texnologiyalar” kafedrasiga berilgan. Kurs rahbari Sh.Shodmonova etib tayinlangan. 2013 yilda universitetning O`MKHT muassasalari o`qituvchilarining MO va QT bo`limi alohida fakultet bo`lganligi sababli “Pedagogik qayta tayyorlash kursi” mazkur fakultet tarkibiga kiritilgan. 2013 yildan to hozirga qadar PQT kursi faoliyat yuritib kelmoqda. Kurs rahbari SH.SHodmonova o`z faoliyatlarini davom etib kelmoqdalar.

Mazkur fakultet 1973 yil O’zbekiston Respublikasi Xalq ta’limi vazirligining 330-sonli buyrug’i bilan tashkil etilgan bo’lib, to 1998 yilgacha xalq ta’limi rahbar xodimlarining va respublikadagi pedagogika oliy o’quv yurtlari o’qituvchilarining malakasini oshirish bilan shug’ullanib kelgan.